قصيدة مش عارفين ،،

عايشين تايهين

قصيدة رائعة جدا تعبر عن الوضع

الحالي للناس من الفجور و الكذب والنفاق،

وتخبرنا ما الذي يحدث للناس ،

وفي النهاية يُرينا الشاعر

من اين يأتي الفساد ، والظلم

، والضلال والتيه .

مش عارفين عايشين تايهين

وهنعمل ايه هروح مع مـيـن

مع التجاااار المتدينين

ولا التجااااار الوطنيين

ولا العملا ولا الدجالين

الدعــوة بـقت لقمة عيش

والسمعة بـقت لقـمة عيش

والتطبـيل بقي لقـمة عيش

والتضليل بقي غيره مفيش

ودا يقـولك حلال وحرام

ودا واخدلك الذين اجرام

ويـقـولك دا امـــــر الـلـه

ودا يقـولك انا الاســــلام

ودا تاجر الاوهام

مخدرات وكمان برشام

دمر ولادوا بالحرام

عدل ربك يسلام يسلام

امتي امتي امتي نـفــووق

امتي امتي ضميرنا يسووق

امتي امتي اخلاقنا تـسوود

امتي امتي لخيرنا نـــدووق

كل دا بأيد صـهـيون

خلونا بادينا نـخــون

خلونا نـنـسي عـزتنا

ونسونا مين بـنكون

بقلم : احد جنود الظلام